هەورامان نیوز
دەستەی كەشناسیی ئیسپانیا حالەتی مەترسی لەبارەی كەشوهەوا بۆ ئەمڕۆ راگەیاند بە هۆكاری چاوەڕوانی بۆ بارانی بەخووڕ، بەفر و رەشەبا و بەرزبوونەوەی شەپۆلەكانی دەریا، پێشبینیشی كرد كە 40 لیتر باران لە یەك سەعاتدا ببارێت.
بەپێی بەیاننامەیەكی دەستەكە، هۆشداریی رەنگی پرتەقالی لەبارەی كەشوهەوا و مەترسییەكانی دەدەن لە ناوچە كەناراوییەكان بۆ ئەمڕۆ بە تایبەت لە هەر یەك لە دوورگەكانی، بلیار، ڤالنسیا و كەتەلۆنیا.
هەروەك پێشبینی كردووە، رێژەی دابارین لە یەك سەعاتدا بگاتە 40 لیتر، هاوكات هۆشداریی زەردیشی بە هۆكاری بارانی بەلێزمە بۆ كۆمەڵگەی مورسیا راگەیاند.
جێگەی ئاماژەیە، لە مانگی رابردوودا بەهۆی بارانی بەلێزمە لە ناوچە جیاوازەكانی ئیسپانیا لافاو دروست بوو، لە ئەنجامدا بووە هۆی گیان لە دەستدانی 220 كەس و زیانێكی زۆریش بەر ژێرخانی رێگەكان كەوتن لە ڤالنسیا.
س: wishe.net
