هەورامان نیوز
ئاشکرایەکارگەی غازی هەورامان تاکە کارگەیە کەلە سنوری قەزای خورماڵ و ناحیەی بیارەدا، ئەمەسەرەڕای زۆری دانیشتوان و زۆری سنوری گوندەکان لەگەڵ ئەوەشدا(هاوینەهەوارەکانی زەڵم ، ئەحمەد ئاوا، بیارە و وەزەنێ و تەوێڵە و ئاوێسەر)ی لەسەرە کەبەهۆی هاتنی گەشتیارێکی زۆرەوە و بونی سەدان ڕێستورانت و خواردنگە و نانەوا هتد…خواستێکی زۆر بۆغاز هەیە، بەڵام بەڕێوەبەرایەتی دابەشکردنی سوتەمەنی سلێمانی بێ ڕەچاوکردنی ئەم بارودۆخە هێشتا مانگانە تەنها ٥ تەنکەر غاز بۆکارگەی غازی هەورامان دابین دەکرێت، لەکاتێکدا خواست بۆغاز لەم ناوچەیە لەسەروی ٨تەنکەرە لەمانگێکدا، ئەمەش بوەتەهۆی کەمبونەوەی غازو دروستبونی کەمی غاز،
ئەمەلەکاتێکدا لە شارەکانی(هەڵەبجەی تازە و پێنجوێن و عەربەت) بەتەواوەتی بەشەغازی خۆیان بۆدابین دەکرێت و کێشەی کەمی غازیان نیە،
بۆیەداواکارین لە هەردو بەڕێزان بەڕێوەبەری ناحیەی خورماڵ و ناحیەی بیارە، بەجدی کار لەسەر زیادکردنی بەشەغازی کارگەی غازی هەورامان بکەن بەمەبەستی نەمانی ئەو کێشەی کەمی غازە، دڵنیاین ئەگەر هەماهەنگی و بەدواداچون بۆئەو کێشە بکەن چارەسەری گونجاوی بۆ دەدۆزنەوە
لەگەڵ ڕێزدا
چالاکوانان و بەشێک لەهاووڵاتیانی خورماڵ و هەورامان
