دەست بە دابەشکردنی هاوکاریی هاوپەیمانان بەسەر هێزەکانی پێشمەرگە دەکرێت

هەورامان نیوز
هاوکاریی دارایی هاوپەیمانان خرایە سەر هەژماری ئەوانەی کە لە هەژماری ن تۆمار کراون، 80 هەزار کەس دەبن و ئێستا دەتوانن لە ڕێگەی ATM ـەکانەوە ئەو هاوکارییە وەربگرن.لێدوانی فەرمی: سەرچاوەیەک لە وەزارەتی پێشمەرگە گوتی: دوای نیوەڕۆ بڕی هاوکاریی هاوپەیمانان خرایە سەر هەژماری ئەوانەی کە لە هەژماری من تۆمار کراون، دەتوانن لە ڕێگەی ئامێرەکانی ڕاکیشانی پارەی پرۆژەی هەژماری من ئەو هاوکارییە وەربگرن.ژمارەکان وادەڵێن: بۆ ئەم مانگە 80 هەزار کەس لە هاوکاری هاوپەیمانان سوودمەند دەبن و هەر کەسێک بڕی 71 هەزار و 900 دینار لەو هاوکارییە وەردەگرێت.باکگراوند: هاوپەیمانان مانگانە بڕی 20 ملیۆن دۆلار هاوکاری هێزەکانی پێشمەرگە دەکەن، بەشێکی ئەم هاوکارییە بۆ پێداویستی لۆجستییە و ئەوەی کە دەمێنێتەوە دەکرێت بە هاوکاریی دارایی بۆ پێشمەرگەکانی لیوا هاوبەشەکانی وەزارەتی پێشمەرگە.
س: www.ava.news