هەورامان نیوز
حكوومهتی بهنگلادیش دوای ئهو توندوتیژییانهی كه تهواوی وڵاتهكهی گرتهوه و ژمارهیهكی زۆری قوربانی بهدواوه بوو، ههر جۆره چالاكییهكی له كۆمهڵی ئیسلامی قهدهغه كرد.
سی ئێن ئێن بڵاوی كردهوه كه بههۆی خۆپێشاندان و توندوتیژییهكانی بهنگلادیش، سهرووی 200 كهس كوژراون، بۆیه جگه له كۆمهڵی ئیسلامی، تهواوی رێكخراوهكانی سهر بهو پارته بڕیاری داخستنیان دراوه و به رێكخراوی تیرۆریستی دهناسرێن.
ژمارهی دانیشتووانی دهگاته سهرووی 165 ملیۆن كهس
شێخ حوسهینه سهرۆك وهزیرانی بهنگلادیش و هاوپهیمانهكانی، كۆمهڵی ئیسلامی و دامهزراوهكانی سهر بهو پارتهیان بهوه تۆمهتبار كردووه كه له هاندانی خوێندكاران و پهرهسهندنی خۆپێشاندانهكان رۆڵی ههبووه.
بهنگلادیش وڵاتێكی ئیسلامییه و لهگهڵ هیندستان و میانمار دراوسێیه، ژمارهی دانیشتووانی دهگاته سهرووی 165 ملیۆن كهس و به ههشتهم گهورهترین وڵاتی دنیا له رووی ژمارهی دانیشتووان دادهنرێت.
ناوی پێشووی ئهو وڵاته پاكستانی رۆژههڵات بوو و بههۆی ئهوهی كه زۆرینهی دانیشتووانی بهنگالین، ساڵی 1971 به فهرمی له پاكستان جیا بووهوه. سهرووی 90%ی بهنگالییهكان مسوڵمان و سوننهن.
س: wishe.net
