هەورامان

02:43 - 8/5/2021

ڕۆشنکەردەی شووراو ڕێخراوە مەدەنییەکاو مەریوانی

ڕۆشنکەردەی شووراو ڕێخراوە مەدەنییەکاو مەریوانی


هەورامان‌نیوز: شووراو ڕێخراوە مەدەنییەکاو مەریوانی سەبارەت بە ڕووداوەکاو ئی دمایەو شارەکەی، ڕۆشنکەردەیێوش پەخش کەردەو.
دەقو ڕۆشنکەردەکەی:

بە نامێو خودٚای

ڕۆشنگەری ڕێکوزیا مەدەنیەکاو مەریوانی سەروو تن و تێژیەکاو ئی دماییەو شارەکەیما.

خەڵکی وەشەویس و ئێژاو مەریوانی، هەر پاسە کە هاگادٚارێندێ چی ڕوا ویەردەینە چن کردەوێ تن و تێژیێ شارەکەمانە ڕوەشا دا کە بیێ بە هۆو شێویای و زامدٚار بیەو هەستوو خەڵکی و  نێگەرانی ڕاو گردٚی.
ئی هەرمانە ناشیرینێ کە بیە بە هۆو دڵەڕاوکێ و تێک‌شیەی ئاشتی کۆمەڵایەتی، دلێو کۆمەڵگای و خانەوادەکا، دلێ ناخوو وێشەنە هۆرگێروو پەیامێوی خراب و ئێشارێوی مەترسیدارا پەی ژیوای ئاشتیانەی و تەبایی و پێوەرە بیەیما.
هاموەڵایەتیە ئازیزەکا، شاروو مەریوانی ساحێبوو ویەردێوی پەڕ جە شانازی پێوەرەبیەی و ژیوای مەدەنی و ئاشتی و فرە ڕەنگی بیەن. ئی مەحاڵە وەروو جم و جۆڵی فکری و فەرهەنگی و کۆمەڵایەتیەوە، دایمە شارێوی زیننە و ئەکتیڤ بیەن. مووزایێکەو ویر و کەلتوور و ڕێکوزیای جیاوازی بیەن. بە درێژایی ویەردەی ئی شارە باوەشیش ئەوەکریا بیێنە پەی ڕەنگ و دەنگی جیاوازی و هیچ وەخت ئی جیاوازیە نەبیەن بە نوونگەو کێشەی کۆمەڵایەتی و ململانێ و جەیۆی ترازیای.
بە پێچەوانەوە سەروو بنەماو پرێنسیبوو پێوەرە ژیوای دموکڕاتیک و یۆتەر قەبووڵ کەردەی و حۆرمەت ئەرەنیای پەی ڕاو یەکترینی، ژیوایشا بەردەن سەر.
ئێمە ئینایمێ چا باوەڕەنە، سەردەموو ئارۆیەنە و پی ئاستوو وەڵکەوتەیە کە خەڵک وستەنش دەسوو وێش، ئێتر کەلتووروو ئەوەسڕیەی و هێرشی تن و تێژانە سەروو باوەڕوو ئێنسانی، هیچ یاگێ و پلە و پایێوش نیا و لایەنوو ویری گردگیریەوە مایەو پەسەننی نیا. 
تەرسە و تۆقنای و هەڕەشە و گۆڕەشە هیچ یاگێوەش نە ئیسە و نە ویەردەو ئێمەنە نەبیێنە و نمەبۆیچش.
پنەوازا سەروو بنەماو ئی میراتە مەدەنیە کە سەروو ڕەنج و زەحمەتوو هەزاران کەسیەوە، زیاتەر جە نیم سەدەی چی شارەنە، پەیما مەنەن جیا، فۆرموو ژیوای و شێوازوو پێوەنیەکاما ڕێک وزمێوە.
پنەوازا ئی میراتە کە ڕەنگەوەدای ڕای ئازاد و حورمەت ئەرەنیای پەی هەنترینی و ئاشتی کۆمەڵایەتیا، پەرەش پنە دەیمێ تا گەشە کەرۆ.
ئێمە پاسە مزانمێ کە ئایین پارچێوی ئەوەنەبڕیاو ژیوای کۆمەڵایەتیا و پەنەوازێوی مەعنەوی کۆمەڵگایا. هیچ وەخت

پەیلوایو تۆ؟
Loading...
پەیلوای

هیچ پەیلوایە نەنریانەرە.